Aktori shumë i dashur për publikun, Bes Kallaku ishte së fundmi i ftuar në “Dita e 8” në “Top Albania Radio”.

Gjatë intervistës ai zbuloi disa detaje që nuk e kemi ditur më parë nga marrëdhënia e tij me Xhensilën. Besi rrëfeu se në fillim të lidhjes, kur Xhensila studionte te Liceu, i kishte vendosur një “roje” që të merrte informacione rreth saj.

“I lashë një rob te shkolla se ishte në ‘Lice’ atëherë Xhensila, kur dilte nga shkolla, kur shkonte në shkollë. Ne prej Fushë-Kruje kështu e kemi. Sepse do shihja gjithë ecurinë ku shkonte, ku dilte, me kë rrinte, çfarë bënte”, tregoi Besi.